إقامة فاقت توقّعاتي 👌🏼 بصراحة شقة blossom في الملقا شمال الرياض فاقت توقّعاتي، وحسّيت إن اللي أخذته مقابل السعر أكثر بكثير من اللي دفعته. أكثر شيء عجبني هو تجربة تسجيل الدخول الرقمية بالكامل. نظام القفل الذكي سهّل الموضوع بشكل كبير، ما فيه انتظار ولا تحتاج تمر على استقبال، وتقدر تدخل وتشيّك إن بأي وقت يناسبك. التجربة كانت سلسة ومريحة من البداية. الموقع بعد ممتاز جدًا، الشقة على مسافة مشي من شارع مليان مطاعم وكافيهات معروفة في الرياض، وفوق هذا الشقة قريبة جدًا من محطة مترو د. سليمان الحبيب، وهذا سهّل التنقل بشكل كبير. المبنى نفسه هادي جدًا، وهذا من أكثر الأشياء اللي حبيتها. والسرير والفرشة مريحة بشكل واضح، وتعطيك إحساس بفرشة فندقمن ناحية الراحة. كذلك الواي فاي سريع، وفيه مكتب مناسب جدًا إذا عندك شغل أو تحتاج تشتغل من الشقة. بشكل عام، التجربة كانت مريحة، سهلة، والمكان فعلاً يستاهل أكثر من قيمته. تجربة ممتازة وبكل تأكيد أكرر السكن فيه مرة ثانية. 👌🏼